عبدالحليم حافظ - موعود ✿زمن الفن الجميل ✿


Generating download link, please wait


Downloadable link generated


Published: 2498 days
موعود

كلمات الشاعر محمد حمزة
الحان الموسيقار بليغ حمدى
موعود موعود موعود
موعود معايا بالعذاب موعود يا قلبى
موعود و دايما بالجراح موعود يا قلبى
ولا بتهدا و لا بترتاح فى يوم يا قلبى
و عمرك ما شفت معايا فرح
كل مرة ترجع المشوار بجرح
والنهارده جى تقول انسى الآهات
جى تقوللى يلا بينا الحب فات
و ميل وحدف منديله كاتب على طرفه أجيله
و أمانه يا دنيا أمانه تاخدينا للفرحه أمانه
و تخلى الحزن بعيد عنا و تقولى للحب استنى استنى

تانى تانى تانى هنروح للحب تانى
و النار و العذاب من تانى
و تانى تانى تانى هنروح للحيره تانى
و نضيع و نجرى ورا الأمانى
و يغيب القمر و نعيش السهر و آهات الألم فى ليالى الندم
يا ليل يا حضن السهارى يا اللى شفت فى عينيه الدموع
و أنا دايما راجع وحيد
يا ليل يا حضن السهارى خلى فجر الحب يطلع بدرى
يملا مشوارنا الجديد
و أمانه يا دنيا أمانه تاخدينا للفرحة أمانه
و تخلى الحزن بعيد عنا و تقوللى للحب استنى
و ميل و حدف منديله كاتب على طرفه أجيله
و أمانه يا دنيا أمانه تخدينا للفرحه أمانه
و تخلى الحزن بعيد عنا و تقوللى للحب استنى استنى

و ابتدا و ابتدا المشوار
و آه يا خوفى من آخر المشوار آه يا خوفى
جنة و لا نار آه يا عينى رايح و أنا محتار آه يا خوفى
و اتقابلنا و الحياه قدام عنينا حلوه
و اتقابلنا و الكلام فوق الشفايف غنوه
كل حاجه فكرت فيها فى لحظه واحده ردت عليها
بنظره حلوه من عينيها
الأمان فى عينيها حسيت انى عديت للأمان فى عينيها
الحنان خد منى و ادفى يا اللى محروم من الحنان
و القمر طلع و الخوف بعد و الهوى دفى و الليل سمع
و أمانه يا دنيا أمانه تاخدينا للفرحه أمانه
و تخلى الحزن بعيد عنا و تقوللى للحب استنى
و ميل و حدف منديله كاتب على طرفه أجيله
وأمانه يا دنيا أمانه تخدينا للفرحه أمانه
و تخلى الحزن بعيد عنا
و تقوللى للحب استنى استنى

شوف بقينا فين يا قلبى و هى راحت فين
شوف خدتنا لفين يا قلبى و شوف سابتنا فين
فى سكة زمان راجعين فى سكة زمان
فى نفس المكان ضايعين فى نفس المكان
لا جراحنا بتهدا يا قلبى
ولا بننسى اللى كان يا قلبى شوف
بتصحى الطريق خطاوينا و أنين السنين
و السما بتبكى علينا و الناى الحزين
حتى نجوم ليالينا و القمر غايبين
و تانى تانى تانى راجعين أنا وانت تانى
للنار و العذاب من تانى
و تانى تانى تانى راجعين للحيره تانى
هايمين بنجرى ورا الأمانى
و يغيب القمر ونعيش السهر
و آهات الألم فى ليالى الندم
و أمانه يا دنيا أمانه تداوينا من جرح هوانا
و تخلى الحب بعيد عنا ولا نستناه ولا يستنانا
أمانه
استمتعوا بالطرب زمن الفن الجميل
من اغانى وكل ماهو نادر
رابط البومات القناه https://www.youtube.com/channel/UCksw0O80cRiJ8EjKCa8imbg


Share:


comment  Comments